22 қарашада EXPO халықаралық көрме орталығында WorldSkills Kazakhstan 2023 VIII Республикалық кәсіби шеберлік чемпионатының салтанатты ашылуы өтеді. Жарысқа еліміздің түкпір-түкпірінен 22 жасқа дейінгі 545 маман және 520 сарапшы қатысады.
Іс-шараға мемлекеттік органдардың өкілдері, әлеуметтік серіктестер, кәсіпорын қызметкерлері, техникалық және кәсіптік білім беру ұйымдарының педагогтері, сондай-ақ басқа да мүдделі тараптар қатысады.
Конкурс өтетін үш күн ішінде (23-25 қараша) көрме орталығының аумағында колледж студенттері 30 құзыреттілік бойынша бақтарын сынайды. Соның ішінде кірпіш қалау, шанақ жөндеу, бастауыш сыныптарда сабақ беру, IT-бизнес шешімдері, қонақ үй қызметкері, аспаздық ісі, шаштараз өнері және т.б.
Республикалық чемпионат қатысушыларын марапаттау 27 қарашада өтеді. Жеңімпаздар келесі жылдың 10-15 қыркүйегі аралығында Францияда өтетін WorldSkills Lyon 2024 халықаралық біріншілігіне жолдама алып, ел намысын қорғайды.
