ЭКСПО іскерлік кешенін Exponential Cluster-ге трансформациялау шеңберінде «QazExpoCongress» ұлттық компаниясы жаңа зияткерлік қауіпсіздік жүйелерін енгізуді жоспарлап отыр. Бұл шаралар тұрақты даму мен цифрландырудың халықаралық стандарттарына сай келетін заманауи және қауіпсіз кеңістік құруға бағытталады.
Жобаны іске асыру мақсатында ұлттық компания делегациясы Қытайға жұмыс сапарымен барып, Ханчжоу қаласындағы Hikvision Technology Co., Ltd. халықаралық компаниясының өндірістік қуаттарымен және әзірлемелерімен танысты.
Hikvision компаниясы бейнебақылау, жылуға ден қойып бақылау, ЖИ-алгоритмдер мен деректерді өңдеудің цифрлық платформалары саласындағы соңғы шешімдерін ұсынды.
Цифрландыру және зияткерлік қауіпсіздік жүйелерін енгізу саласындағы стратегиялық ынтымақтастық шеңберінде екі компанияның басшылығы арасында ынтымақтастық туралы меморандумға қол қойылды. Құжат аяында Hikvision зияткерлік шешімдерін енгізу бойынша пилоттық жобаны іске қосып, сонымен қатар ЭКСПО іскерлік кешенінің инфрақұрылымына жасанды интеллект технологияларын интеграциялау жоспарлануда. Жоба аумақтың жалпы цифрлық экожүйесіне жаңа буын бейнебақылау жүйелерін, жылуға ден қойып бақылауды, кіріп-шығуды интеллектуалды басқаруды және аналитикалық ЖИ-алгоритмдерді біріктіруге бағытталады. Пилоттық жобаны іске асыру қолданыстағы инфрақұрылым жағдайында технологиялардың кешенді мүмкіндіктерін сынауға, сондай-ақ объектілерді басқарудың қауіпсіздік, ашықтық және тиімділік деңгейін арттыруды қамтамасыз етуге мүмкіндік береді. Алынған нәтижелер Hikvision шешімдерін цифрлық трансформация бағдарламасының келесі кезеңдері шеңберінде масштабтау үшін негізге алынатын болады.
Сондай-ақ Астанада, ЭКСПО аумағында қауіпсіздік технологияларының түр-түрі ұсынылатын шоурумды іске қосу жөнінде уағдаластыққа қол жеткізілді.
Анықтама: Hikvision Technology Co., Ltd. халықаралық компаниясы – 2001 жылы құрылған бейнебақылау және қауіпсіздік технологиялары саласындағы әлемдік көшбасшылардың бірі. Компанияның Еуропада, Азияда және Америкада өкілдіктері бар. Компанияның өнімдері әлемнің 150-ден астам елінде қолданылады. Зерттеулер мен әзірлемелерге жыл сайынғы инвестициялар құны $1 млрд-тан асады, бұл Hikvision компаниясының A&S Security 50 әлемдік рейтингіндегі көшбасшылығын растайды.
