18 ақпанда Конгресс-орталығы алаңында «TARTYL FEST» турникке тартылудан республикалық турнирдің гранд-финалы өтеді.
Іс-шараның ұйымдастырушысы – Қазақстан Республикасы Президентінің жанындағы «DARA» дарындыларды қолдау қоры.
Бұл жаппай спортты дамыту саласында Мемлекет басшысының алға қойған міндеттерін іске асырудың халық арасында кең тараған және сәтті үлгісі болған «DARA» қоры ұйымдастырған алғашқы жоба.
Гранд-финалға өңірлік іріктеу жарыстарында үздік нәтижелерге қол жеткізген 170 спортшы қатысады. Қатысушылардың жасы – 14 жастан 51 жасқа дейін.
2022 жылы турникке тартылу бойынша жарыс Қазақстанның 20 қаласында өтті. Онда қатысушылар тоғыз салмақ дәрежесі бойынша жарысқа түсті. Тартылу саны бойынша рекорд Тараз қаласынан келген 33 жастағы Евгений Намға тиесілі.
Гранд-финал 18 ақпанда Конгресс орталығында (EXPO іскерлік орталығының аумағында, Сауран көшесі, 44) сағат 12:00-де басталады. Жарыс «JIBEK JOLY» телеарнасының тікелей эфирінде көрсетіледі.
Гранд-финалдың жалпы жүлде қоры – 54 млн теңге. Бірінші орын үшін – 3 млн теңге, екінші орын үшін – 2 млн теңге, үшінші орын үшін – 1 млн теңге.
Сондай-ақ гранд-финал чемпиондары Қазақстанның атынан Street Workout бойынша әлем чемпионатына қатыса алады.
