15-17 қыркүйекте Конгресс орталығының алаңында Comic Con Astana – комикстер, кинематография, бейне ойындар, аниме және қазіргі заманғы танымал мәдениеттің өзге де бағыттарына арналған халықаралық фестиваль өтеді.
Фестиваль аясында жалпы жүлде қоры 10 млн тенге болатын косплей конкурсы өтеді, ал фантастикалық блокбастер әуесқойлары жаңа туындылардың презентациясын тамашалай алады.
Алаңда комикстер авторларының аллеясы және арнайы атрибуттар, аниме, комикстер, кітаптар, қолдан жасалған бұйымдар немесе ерекше тауарлар сатып алуға болатын жәрмеңке алаңы болады. Әлемнің әртүрлі елдерінен, соның ішінде Италия мен Испаниядан 150-ден астам автор қатысады, сондай-ақ жаңа өнімдер мен эксклюзивтердің тұсаукесері жоспарлануда.
Фестивальге қатысатын қонақтар тізімінде Илья Коммандер, Narga, Артём Харченко (Cut The Crap), Taryn, Geheichou, Ayuru, JGeek, Юлия Боярова, Angie Arrow, EdisonPts, Евгений Попадинец (Utopia Show), Aigera Dunamis, Тони Карк, Domer Grief, Anoir және т.б.
Сондай-ақ фестивальге кәсіби диктор, YouTube-тегі IGM атты арнаның тұрақты жүргізушісі Антон Киреев қатысады.
TikTok сервисі фестивальге Comic Con Astana-ның ресми серіктесі ретінде қосылды. Тик-ток хаустар, мобилографтар және продюсерлер (оның ішінде атақты Jokeasses қатысады деп күтілуде) іс-шара алаңында арнайы құрылған контент аймақтың жұмысына қатыса алатынын айта кеткен жөн.
Сондай-ақ конвентте техно-гиктерге арналған интерактивті алаң құру жоспарда бар, оның аясында ойын өндірушілерінен түрлі контент ұсынылатын болады.
Comic Con Astana-ның басты сахнасында Red Bull M.E.O. мобильді ойын бойынша дүниежүзілік киберспорт турнирінің 5 маусым финалының көрсетілімі ұйымдастырылады, оның бірі Mobile Legends: Bang Bang – Қазақстанда өте танымал MOBA жанрындағы бейне ойын.
Фестивальдің барлық қонақтары үшін фуд-корт аймағы ұйымдастырылады, ал ең кішкентай келушілер үшін балалар аймағы жұмыс істейді.
Билеттерді жобаның ресми сайтынан – www.comicconastana.kz, сондай-ақ ticketon.kz, sxodim.kz, iticket.kz және Яндекс Афиша қызметтерінің көмегімен сатып алуға болады.
