ЕХРО іскерлік орталығы

Орталық Азия, Кавказ, ЕАЭО, Батыс Қытай, Моңғолия, Таяу Шығыс және Еуропа елдерінің экономикаларын байланыстыратын өңірлік бизнес және қаржы орталығы.

АХҚО мақсаты – қаржы қызметтерінің жетекші халықаралық орталығын қалыптастыру. Инвесторлар үшін үйреншікті жалпы құқық негізінде АХҚО соты және Халықаралық төрелік орталығы жұмыс істейді. АХҚО жоғары технологиялық биржасы құрылған.

АХҚО Қаржы технологиялық хаб бөлімшесі шеңберінде жаңа қаржы-технологиялық өнімдер мен қызметтерді дамытатын компанияларға көмектеседі. АХҚО жасыл қаржы орталығы жасыл және әлеуметтік қаржы саласында зерттеулер жүргізеді, жасыл және әлеуметтік облигациялар шығаруды қолдайды және т.б.

Жалпы АХҚО капитал нарығын дамытудың ұзақ мерзімді саясатын қалыптастырады, егеменді қорлардың активтерін неғұрлым тиімді басқару үшін алаң ұсынады және қаржы қызметтері саласындағы жетекші сарапшыларды шоғырландыруды қамтамасыз етеді.

Бұл қазақстандық және шетелдік технологиялық компаниялардың еркін дамуы үшін жағдай жасалған ІТ-стартаптардың халықаралық технопаркі. Технопарк бағдарламалары стартап индустриясының қазақстандық және шетелдік өкілдері үшін қол жетімді және жақын уақыттан бері онлайн режимінде өткізілуде. Сондай-ақ Astana Hub қатысушылары үшін арнайы салық режимі бар.

Бизнесті тиімді жүргізуге және ілгерілетуге арналған аумақ. Басты символ – NUR ALEM болашақ энергиясы мұражайына жақын жерде орналасқан. Ол «А» класты кеңселерге қойылатын халықаралық сапа стандарттарын ескере отырып салынған.

EXPO іскерлік орталығы аумағындағы жасыл технологиялар саласындағы негізгі бастамалардың бірі.

Миссиясы – экономиканың бәсекеге қабілеттілігін, халықтың өмір сүру сапасын арттыру және қоршаған ортаға теріс әсерді төмендету үшін жасыл технологияларды ілгерілету және бизнесті қолдау.

Орталық Азиядағы цифрлы трансформация жөніндегі құзыреттердің жетекші орталығы. Университеттің басты мақсаты – білім беру, зерттеу және үздік инновациялар арқылы кадрлар даярлау және кәсіби кадрларды, бизнес өкілдерін, мемлекеттік ұйымдар мен ұлттық компаниялардың қызметкерлерін, оның ішінде цифрлық экономиканың жаңа бағыттары бойынша корпоративтік оқытуды дамыту арқылы қайта даярлау. Нәтижесінде Astana IT University қызметі жоғары білікті және бәсекеге қабілетті кадрларды құруға ықпал етеді.

Hilton Astana – бұл EXPO іскерлік орталығының аумағында орналасқан ультра заманауи қонақ үй. Қонақ үйде 253 жайлы бөлме, жалпы ауданы 2090 шаршы метрді құрайтын және сыйымдылығы 900 адамға дейін 9 конференц-зал бар. Мұның барлығы қала орталығынан, ірі компаниялардың кеңселерінен, мемлекеттік мекемелер мен «Астана» халықаралық әуежайынан бірнеше минуттық жерде орналасқан.

Ірі халықаралық және ұлттық көрмелерді, конгрестік іс-шараларды және басқа да ауқымды әрі маңызды оқиғаларды өткізуге арналған көпфункционалды бизнес-арена. Көрме павильоны заманауи байланыс құралдарымен, инженерлік желілермен және ыңғайлы кірме жолдармен жабдықталған. Павильонның техникалық жағы құрылыс салушыларға стандартты және эксклюзивті көрме стендтерін орнатуға мүмкіндік береді.