25-26 сәуірде Конгресс орталығында ENACTUS KAZAKHSTAN NATIONAL EXPO 2024 мектеп оқушылары мен студенттік кәсіпкерлік ұлттық кубогы өтеді. Онда Қазақстанның барлық өңірлерінен мектеп оқушылары, колледждер мен ЖОО студенттері, сондай-ақ бизнес және білім беру саласындағы көшбасшылар бас қосады.
ENACTUS KAZAKHSTAN NATIONAL EXPO 2024 – Қазақстандағы ENACTUS халықаралық бағдарлама қатысушыларының жоба бойынша нәтижелерінің жыл сайынғы көрмесі. Іс-шарада демеуші компаниялардың көрмесі, бос орындар жәрмеңкесі, іскерлік кездесулер, питчинг және қатысушыларға арналған арнайы байқаулар өтеді.
Басты оқиға – студенттік кәсіпкерліктің ұлттық кубогының финалы болып табылады, оның нәтижелері бойынша жеңімпаз команда ENACTUS WORLD CUP 2024 әлем чемпионатында Қазақстанның намысын қорғау құқығына ие болады.
ENACTUS тарихында әлемдік кубоктар Лондон, Париж, Йоханнесбург, Пекин, Вашингтон сияқты қалаларда өтті, биыл Дүниежүзілік біріншілікті өткізу құқығын біздің еліміз жеңіп алды. Бірінші рет ТМД-да, атап айтқанда, Қазақстанның елордасы Астана қаласында үздік студенттік бизнес жобалардың Әлемдік кубогы өтеді.
ENACTUS KAZAKHSTAN Ұлттық кубогында жас көшбасшылар 17 ТДМ-ға қол жеткізуге бағытталған әлеуметтік-кәсіпкерлік, экологиялық және инновациялық жобаларды көрсетеді.
Осы маусымда ENACTUS KAZAKHSTAN NATIONAL EXPO 2024 көрмесіне 200-ден астам команда қатысады.
