25-28 шілде аралығында елордамыздағы EXPO халықаралық көрме орталығында III халықаралық Comic Con Astana фестивалі өтеді.
Comic Con Astana – комикстер, кинематография, видео ойындар, аниме және заманауи танымал мәдениеттің өзге де бағыттарына арналған халықаралық фестиваль.
2024 жылы ауқымды іс-шараға халықаралық студиялар, продюсерлер, танымал блогерлер мен кәсіби косплей әртістер қайта қатысады.
Фестиваль бағдарламасында кездесулер мен қолтаңба сессиялар, арнайы көрсетілімдер мен презентациялар, косплей шоулар өтіп, комикстер аллеясы ұйымдастырылып, музыканттар мен би топтары өнер көрсетеді. Іс-шарада әлемдік студиялар өздерінің интерактив және ойын-сауық стендтерін ұсынады.
Фестиваль шоу бағдарламасының халықаралық косплей байқауының жүлде қоры 12 млн теңгені құрайды. Косплей байқауының қазылар алқасының құрамында Даниядан келген дарынды косплейші және Trine костюмдерінің шебері, халықаралық чемпионаттардың бірнеше дүркін жеңімпазы, Франциядан келген косплейші Cinderys, сонымен қатар аталмыш салада 8 жылдық тәжірибесі бар косплейші, Comic Con Astana 2023 косплей байқауының жеңімпазы Keller бар.
2024 жылы фестиваль хедлайнерлерінің бірі «Ганнибал» сериалымен, сондай-ақ «Доктор Стрэндж», «Казино «Рояль», Rogue One: A Star Wars Story, Indiana Jones and the Dial of Destiny фильмдерімен танымал дат актёрі Мадс Миккельсен болады.
Фестивальдің арнайы қонақтарының арасында видеоблогер Chuck Review, Anastasiz және Ян Топлес, дубляж актёрлері Всеволод Кузнецов, Пётр Гланц, Ислам Ганджаев, Егор Васильев, суретші-иллюстратор Джуни (Djuney9) бар. Сондай-ақ конвентке «Слово пацана. Кровь на асфальте» сериалында басты рөлдердің бірін сомдаған актёр Рузиль Минекаев қатысады.
Тағы бір танымал қонақтың бірі – «Внутри Лапенко» сериалындағы көптеген көрермендерге таныс актёр және видеоблогер, сондай-ақ «Настоящий герой» комиксі бойынша түсірілген фильмнің басты кейіпкері Антон Лапенко.
«Ведьмак» жанкүйерлері үшін Maul Cosplay атымен танымал Германиядан келген атақты Геральт косплейшісі Бен Шамның қатысуы тосынсый болады.
Тағы бір арнайы қонақ – суретші, продюсер, survival horror және визуал новелласы жанрындағы «Зайчик» компьютер ойынының авторы Saikono Joker.
Фестивальге дорамаларды, сондай-ақ корей фильмдерін аударуға және дубляж жасауға маманданған танымал SoftBox студиясының негізін салушы және ресми дауыстары Ханзада Лимон мен Аконья қатысады. Ханзада Лимон мен Аконя – қазақстандық ерлі-зайыптылар, дарынды дубляж актёрлері Юрий мен Аруна Ким.
Сондай-ақ Comic Con Astana қатысушыларының қатарына JKS Entertainment продюсерлік компаниясының блогерлері (Хома, Алина, Адалят, Аида және Рахат) қосылды.
Актриса Әсел Сағатова, Гүлнар Сілбаева, Дина Тасболатова және актёр Санжар Мәди келушілердің барлық сұрақтарына жауап беріп, қолтаңба сессия өткізеді. Сонымен қатар қазақстандық қонақтардың арасында режиссёр Айсұлтан Сейітов («Қаш») бар.
Іс-шарада «Приговор» фильмі авторларының Jurek атты жаңа жобасының тұсаукесері жоспарланған.
Танымал 3D Cinematic әртіс және контент креатор Феоктист Алексеев (Design by FEO) өзінің жаңа Bulletproof анимациялық мультсериалын ұсынады.
Фестиваль барысында YouTube блогер, Minecraft ойыны бойынша ең танымал летсплейщиктердің бірі Владус қонақтармен әңгіме-дүкен құрады.
Comic Con Astana фестивалінде Sәlem Entertainment медиа компаниясы эксклюзив түрде Offside, «4 градус», «QARGA 2», «Тырна», «Няня 2», «Патруль 7» сияқты бірнеше жобаларын және «СӘКЕ», «Патруль» толықметражды фильмдерін ұсынады.
Сонымен қатар фестиваль бағдарламасында:
✔ Тақырыптық өнімдер, эксклюзив мерч және қолдан жасалған бұйымдар бар гик-жәрмеңке;
✔ Танымал отандық және шетелдік кітаптар мен комикстердің авторлары, блогерлер, актёрлер, суретшілер және басқа да танымал мәдениет өкілдерінен сөз сөйлеу мен шеберлік сабақтары жоспарланған дәрістері;
✔ Үстел ойындары, VR, киберспорт турнирлері және ретро консольдері бар ойын алаңы;
✔ Аниме мен мангадан бастап, J-Pop және K-Pop-қа дейінгі азиялық поп мәдениетке арналған Otaku Zone көрме аймағы болады.
Фестиваль аясында дәстүрлі түрде талантты суретшілер, кітап және комикс авторлары, иллюстраторлар және креативті индустрияның басқа да бірқатар өкілдері жұмыстарының көрмесі – Авторлар аллеясы өтеді.
Іс-шара алаңыда арнайы керек-жарақтар, аниме, комикстер, кітаптар, қолөнер бұйымдары немесе ерекше тауарлар сатып алуға болады. Туындылары көптеген жанкүйерлердің жүрегін жаулап алған танымал авторлардың да, жарқын дебютанттардың да қатысуы күтілуде. Авторлар аллеясына барлығы 100-ден астам автор қатысады.
Билеттерді Comic Con Astana ресми сайтында, сондай-ақ ticketon.kz және sxodim.com қызметтерін пайдалана отырып сатып алуға болады.
