Елорда күні-Астана тұрғындары мен қонақтары үшін айтулы оқиға. Мереке құрметіне EXPO іскерлік кешенінің аумағында ауқымды, әрі маңызды мәдени-ойын-сауық бағдарламасы жоспарланған.
6 шілдеде EXPO іскерлік кешенінің аумағында Open Air мерекелік концерті және дрондар шоуы өтеді.
Жылдың ең ауқымды фестивалі қала тұрғындары мен қонақтары үшін тегін өтеді. Кеш қонақтары Құрмаш Махан, Нұрлан мен Мұрат, Ninety one, Orda, Kalifarniya, M’Dee, Nazima, Alpha, T’OI, Imzi, Ayau, Bonapart тағы да басқа отандық эстрада жұлдыздары болады. Фестиваль 6 шілдеде сағат 18:00-де өтеді.
7 шілдеде Ұлттық домбыра күніне арналған «Заманауи домбыра» шоу-концерті өтеді.
Кеш қонақтары: Kalifarniya, Ақтоты Болшова, «Қорқыт» этно-фольклорлық ансамблі, «Серпер» виртуоз домбырашылар ансамблі,
«SAZ» этно-тобы, Steppe Sons, Assyl, T&Y,топтары, «Арт-домбыра», Aldaspan, Dj Годунов. Іс-шара 7 шілдеде сағат 18:00-де өтеді. Жоғарыда аталған іс-шараларды Астана қаласының әкімдігі ұйымдастырады.
Елорданың туған күнінде «QazExpoCongress» ұлттық компаниясы ерекше бағдарлама дайындады: 6-8 шілде аралығында «Болашақ энергиясы» мұражайында қолөнершілер жәрмеңкесі өтеді, сондай-ақ түрлі шеберлік мастер-кластары өтеді. Сонымен қатар, кешен аумағында 60-тан астам кәсіпкерлер мен шеберлер қатысатын «БайЅрасе» жәрмеңкесі өтеді. Жәрмеңкеде ұлттық әшекейлер, этно және заманауи дизайнерлік бұйымдар, атап айтқанда бас киімдер, киім-кешек, декор заттары, эко-сөмкелер, қолдан жасалған шамдар, ойыншықтар және т.б. көрсетіледі. Ең маңызды оқиға 8 шілдеде сағат 19:00-де басталатын жазғы сахнада әртістердің қойылымдары болады. Концертке қатысу тегін.
Концерттік бағдарламаға эстрада және DJ әртістері қатысады. Олардың қатарында Эльвира Нұрғожина, Мәдениет Есенгелдиев, Дина Журабекова, Нұрдәулет Арыстанбекұлы, Әсел Нұртазина, Әлихан Дүйсенбай, Азамат Берсембаев, Ілияс Қабдырай, Мәди Қадыров және Ақбикеш сияқты республикалық және халықаралық байқаулардың лауреаттары бар.
Сонымен қатар, EXPO кешенінің аумағында роликтердегі ашық ауада әуесқойлар үшін роллердром жұмыс істейді. Биыл оның екінші маусымы бар. Роллердромның жұмыс кестесі: Дүйсенбіден бейсенбіге дейін 14: 00-ден 23:00-ге дейін, жұмадан жексенбіге дейін 10:00-ден 23:00-ге дейін. Роликтерді жалға алу құны – 2000 теңге, ал өзімен бірге кіру тегін.
