«QazExpoCongress» ұлттық компаниясы Дүниежүзілік тазалық күні-2022 және жыл сайынғы «Бірге таза Қазақстан!» эко-бастамасы аясында дәстүрлі күзгі қалалық сенбілікке қатысты.
Шара барысында компания қызметкерлері EXPO іскерлік орталығы аумағында орналасқан нысандарға іргелес аумақты тазартты.
Айта кету керек, «QazExpoCongress» ұлттық компаниясы EXPO кешені аумағын абаттандыруға, сондай-ақ елорда тұрғындары мен қонақтарының аумақта жайлы жүріп-тұруы үшін жағдай жасауға ерекше көңіл бөледі.
Сенбіліктен кейін компания ұжымы елорданың басты көрікті ғимараты NUR ALEM болашақ энергиясы мұражайының маңында Геннадий Головкинді қолдау мақсатында флешмоб өткізді.
Еске салайық, қазақстандық Геннадий Головкин мен мексикалық Сауль «Канело» Альварес арасындағы үшінші жекпе-жек 18 қыркүйекте Лас-Вегаста (АҚШ, Невада) өтеді.
