29-31 мамыр аралығында Астана қаласында EXPO халықаралық көрме орталығының алаңында AstanaBuild 2024 – 24-ші Қазақстандық халықаралық құрылыс және интерьер көрмесі өтеді.
Құрылыс саласы кез келген елдің экономикалық дамуының негізгі құраушысы. Статистика бюросының мәліметінше, 2024 жылдың екі айында құрылыс көлемі 12%-ға артып, 356,6 млрд теңгеге жетті. Бұл өсім Қазақстан экономикасының серпінді дамуын растап қана қоймай, инвесторлардың құрылыс саласына деген сенімінің көрсеткіші болып табылады. Бұл саланы одан әрі дамыту инфрақұрылымды жаңғырту, халықтың өмір сүру деңгейін арттыру және ел экономикасына инвестицияларды ынталандыру жөніндегі стратегиялық мақсаттарға қол жеткізуге ықпал ететін болады.
AstanaBuild көрмесі Қазақстан, Беларусь, Қытай, Канада, Украина, Үндістан және Ресейдің жетекші компаниялары мен сарапшылары арасындағы кездесу және тәжірибе алмасу алаңына айналады. Германиядан келген өндірушілер біріккен экспозиция құрамында қатысады, ал құрылыс және әрлеу материалдарын өндірушілер Ресей Федерациясының аймақтарынан келген ұжымдық стендтерді ұсынады.
Биылғы экспозиция әсерлі болады, өйткені алғаш рет Үндістаннан келген өндірушілердің керамика және тас галереясы ұсынылады, ал қазақстандық A.Stone Shymkent және Granityukrain компаниялары табиғи тасты, керамогранит пен керамикалық тақтайшаларды көрсетеді.
Көрме дебютанттарының қатарында Qorgau, Belintegra, Bwt Barrier Rus, Selena Ca, Comfort Engineering NT, Letina, Sonex, Алюминқұрылыс Қазақстан, Благовест, Меезенбург Қазақстан, Соларджи 18, Тас Кілем, Юмагс компаниялары өздерінің бірегей өнімдері мен озық шешімдерін ұсынады.
Көрмеге келушілер мен қатысушыларды көрме экспозициясынан басқа, ауқымды іскерлік бағдарлама күтіп тұр, оның аясында Professional TANU Association компаниясының дизайнерлер мен сәулетшілерге арналған семинарлары, Меезенбург Қазақстан компаниясының тұсаукесері, сондай-ақ бейінді одақтар мен қауымдастықтардың мамандандырылған іс-шаралары өтеді.
Көрме туралы толық ақпаратпен және қатысушылар тізімімен мына сілтемеге өтіп, таныса аласыз: www.astanabuild.kz.
