12 қыркүйекте Астанадағы EXPO халықаралық көрме орталығында Қазақстан Республикасы Жасанды интеллект және цифрлық даму министрлігіне қарасты ұйымдардың қызметкерлері арасында зияткерлік ойындар өтті.
Қатысушылар үш спорт түрінен — тоғызқұмалақ, шахмат және дойбыдан сынға түсті.
Зияткерлік ойындар Қазақстан Республикасының тоғызқұмалақ спорт федерациясы, Қазақстан шахмат федерациясы және Қазақстан Республикасының дойбы федерациясының қолдауымен ұйымдастырылды. Турнирге министрлікке қарасты 11 ұйымның 72 өкілі қатысты. Іс-шара командалық рухты нығайтып, ұйымдар арасындағы байланысты кеңейтуге мүмкіндік берді.
Жарыс қорытындысы бойынша әр спорт түрінің жеңімпаздары мен жүлдегерлері анықталды.
Шахматы:
🥇 1 орын — Макашев Ильяс Сабитович, «Astana Hub»;
🥈 2 орын — Ижикенов Ильяс Талгатович, «Ұлттық ақпараттық технологиялар» АҚ;
🥉 3 орын — Войтович Руслан Акмарович, «Ұлттық ақпараттық технологиялар» АҚ;
Шашки:
🥇 1 орын — Алдияр Манақбай Бөкейханұлы, «Ұлттық ақпараттық технологиялар» АҚ;
🥈 2 орын — Қалымбек Ерасыл Ернурұлы, «Азаматтарға арналған үкімет» мемлекеттік корпорациясы (КеАҚ);
🥉 3 орын — Жалдыбаев Нурлан Султангалиевич, «QazExpoCongress» ҰК АҚ.
Тоғызқұмалақ:
🥇 1 орын — Асылбек Хулын, «Ұлттық геодезия және кеңістіктік ақпарат орталығы» РМК;
🥈 2 орын — Тулебай Бекзада Ғалымжанқызы, «Азаматтарға арналған үкімет» мемлекеттік корпорациясы (КеАҚ);
🥉 3 орын — Бердиходжаев Адильбек Сайлауович, «Astana Hub».
Турнир марапаттау рәсімімен аяқталды. Жеңімпаздар мен жүлдегерлерге жарыста көрсеткен шеберлігі мен жоғары нәтижелері үшін кубоктар, грамоталар және медальдар табысталды.
Мұндай іс-шаралар зияткерлік спорт түрлерін кеңінен танытуға, логикалық және стратегиялық ойлауды дамытуға, сондай-ақ министрлікке қарасты ұйымдар қызметкерлерінің кәсіби және достық байланыстарын нығайтуға ықпал етеді.
