Халықаралық ынтымақтастық

2023 жылғы 6 қарашада Messe Frankfurt Asia Holding Ltd.-мен меморандумға қол қойылды, аталған ұйым өз кезегінде Франкфурте-на-Майнеде (Германия) өзінің көрме кешені бар көрмелер, конгресстер мен іс-шаралардың дүние жүзіндегі ең ірі ұйымдастырушысы болып табылады.  Жыл сайын Messe Frankfurt 100-ден астам халықаралық көрме ұйымдастырады. Дүние жүзі бойынша 30 еншілес компаниясының кеңселерін қоса алғанда қызметкерлерінің жалпы саны шамамен 2500 адамды құрайды. Меморандумның мазмұны «QazExpoCongress» ҰК» АҚ мен Messe Frankfurt арасында серіктестік қарым-қатынастарды орнату және ұзақ мерзімді, тиімді ынтымақтастықты орнату болып табылады.

Ынтымақтастықтың басты бағыттары:

• Өткізілуі жоспарланған көрмелер мен жәрмеңкелер туралы жедел өзара ақпарат алмасуды қамтамасыз ету, соның ішінде тиісті ақпарат көздеріне өзара сілтеме орналастыру арқылы;
• өзара байланыс орнату деректерін белгілеуге ықпал ету;
• бірлескен көрмелік-жәрмеңкелік және конгресстік іс-шараларды өткізуге және ұйымдастыру саласындағы өзара іс-қимыл жүргізуді жетілдіру механизмдерін ойластыру;
• көрме іс-шараларына ақпараттық қолдауды қамтамасыз ету;
• көрмелік-жәрмеңкелік және конгресстік іс-шараларды ұйымдастырумен айналысатын мамандарды даярлау және олардың біліктіліктерін арттыруға ықпал ету;
• көрмелік-жәрмеңкелік және конгресстік іс-шараларды реттейтін заңнамалық және өзге де нормативтік актілермен, сондай-ақ осы саладағы әдістемелік және талдамалық материалдармен алмасуды қамтамасыз ету;
• мемлекеттердің аумағында көрмелік-жәрмеңкелік және конгресстік қызметті дамытудың проблемалық мәселелерін шешуде бір-біріне кеңес беру және ықпал ету болып табылады.

2023 жылғы 10 шілдеде Қазақстан Республикасының ЭКСПО-2025 Осака дүниежүзілік көрмесіне қатысу шартына қол қойылды

«Біздің өміріміз үшін болашақтың қоғамын құру» атты ЭКСПО-2025 Осака көрмесі
2025 жылғы 13 сәуірден бастап 13 қазан аралығында Жапонияда өтеді. Осакадағы Юмешима жасанды аралы көрменің өткізілетін орны болып белгіленді. Қазақстанның павильоны «Өмірді сақтау» тақырыптық кластерінде орналастырылатын болады. Көрмеге 150 ел мен 25 халықаралық ұйым қатысады және келушілер саны 28,2 млн. болады деп күтілуде.

2021 жылғы 3 қыркүйекте «Росконгресс» қорымен меморандумға қол қойылған.  Меморандумның мазмұны  «QazExpoCongress» ҰК» АҚ мен «Росконгресс» қорының Қазақстан Республикасы мен Ресей Федерациясының сарапшылық қауымдастықтары, іскер топтары арасында тиімді байланысты қалыптастыру саласындағы ынтымақтастығы болып табылады.