1 тамыз күні сағат 19:30-да EXPO жазғы сахнасында Expo Music Fest жазғы концерттер маусымы аясындағы екінші концерт өтеді.
«Astana Rhythm Fest» музыка фестивалінің концерттік бағдарламасы DJ Major-дың топтамасымен басталады. Ол көрермендерге көтеріңкі көңіл күй сыйлап, музыкалық кештің шымылдығын ашады.
Одан кейін сахнада Arizona Show Group, Let’s Goga, DiEra триосы, Tuezday Show және Royal Beats дауылпазшылар шоуы өнер көрсетеді. Қонақтарға заманауи музыкалық бағыттарды, әсерлі хореографиялық қойылымдар мен көркем шоу-нөмірлерді тоғыстырған алуан түрлі бағдарлама ұсынылады.
Кештің басты қонағы – Қазақстанның ең танымал орындаушыларының бірі RaiM. Оның хит әндері көпшілікке кеңінен танымал әрі әрдайым мыңдаған тыңдарманның ықыласына бөленіп келеді.
Expo Music Fest – жаз бойы әр сенбі сайын EXPO іскерлік кешені аумағында өтетін ашық аспан астындағы тегін концерттер мен мәдени-ойын-сауық іс-шараларының маусымы. Жоба жаздың соңына дейін жалғасады.
Өтетін күні: 1 тамыз
Басталу уақыты: 19:30
Өтетін орны: EXPO жазғы сахнасы, Астана қаласы
Кіру тегін.
EXPO іскерлік кешенінде өтетін іс-шаралар туралы толық әрі өзекті ақпарат «QazExpoCongress» ұлттық компаниясының ресми сайты мен әлеуметтік желілердегі парақшаларында жарияланады.
