12-14 наурыз аралығында еліміздің ең ірі көрме алаңы EXPO халықаралық көрме орталығында AgriTek/FarmTek Astana’2024 көрмесі өтеді.
Көрмеге қатысуға 15 елден 230-дан астам қатысушы өтінім берді, оның ішінде АҚШ пен Ұлыбританияның ұлттық стендтері де ұсынылады. Қытайдан келген компаниялар да бар, олардың жалпы саны 49.
Іс-шара барысында фермерлер жұмысқа қажеттінің барлығын осы жерден таңдай алады: ауыл шаруашылығы техникасы мен жабдықтары, қосалқы бөлшектер, суару және тыңайтқыш технологиялары, тұқымдар мен көшеттер, тыңайтқыштар, өсімдіктерді қорғау құралдары, құс және мал шаруашылығына арналған жабдықтар мен технологиялар, мал азығы, ветеринарлық технологиялар және т.б. Көрме барысында өндірушілермен және сатушылармен кездесіп қана қоймай, өнімдермен танысып, нақты үлгілерін көріп, тіпті оларды іс жүзінде сынап көруге болады. Сондай-ақ білікті мамандардан қосымша кеңес алуға болады.
Көрмеде ауыл шаруашылығының түрлі мәселелері бойынша конференциялар, семинарлар, дөңгелек үстелдер жоспарлануда, көрме бағдарламасымен мына сілтеме арқылы өтіп, танысуға болады: agriastana.kz
