EXPO іскерлік кешенінің аумағында өтетін іс-шаралардың аңдатпасы (14-20 сәуір аралығында)

Modest Fashion Expo дизайнерлер көрмесі

14 сәуірде Конгресс орталығы алаңында әдемі, дәстүрлі және заманауи стильді біріктіретін бірегей топтамаларды ұсынатын ең үздік modest fashion дизайнерлері бас қосады.

Іс-шараның басталуы сағат 10:00-де (әйелдер ғана қатыса алады).

Automechanika Astana – Орталық Азияның автомобиль индустриясы үшін маңызды оқиға

15 сәуірде EXPO Халықаралық көрме орталығында Automechanika Astana 2025 көрмесі ашылады. Бұл Қазақстан, Германия, Италия, Жапония және 23 елден 350-ден астам қатысушының басын қосатын автомобиль бөлшектерінің, автокомпоненттерінің және техникалық қызмет көрсетуге арналған жабдықтарының аймақтағы ең ірі көрмесі.

Көрме аясында бірегей экспозициялық және интерактивті алаңдарды назарларыңызға ұсынамыз:

• Automechanika Live Stage интерактивті платформасы, онда салалық сарапшылардың баяндамалары, шеберлік сыныптар және кәсіби байқаулар өткізіледі. Бұл автоиндустриядағы инновацияларды таныстыратын және тәжірибе алмасуға мүмкіндік беретін таптырмас алаң;
• SIM Racing – 6 кәсіби автосимуляторы бар аймақ, бұл жерде келушілер өздерінің көлік жүргізу дағдыларын виртуалды түрде сынап көре алады;
• Эксклюзивті автокөліктер аймағы – Қазақстандағы ең инновациялық және люкс санатындағы автокөліктер қойылатын арнайы көрме алаңы.

Сонымен қатар көрме шеңберінде Орталық Азиядағы автомобиль нарығының даму перспективалары мен трендтері талқыланатын салалық бизнес форум ұйымдастырылады.

Көрменің басталуы сағат 10:00-де.

MOT-тың концерті

16-17 сәуірде Конгресс орталығының сахнасында әнші MOT-тың концерті өтеді.

Концерттің басталуы сағат 20:00-де.

Концерт Dequine

19 сәуірде Конгресс орталығында Dequine лақап атымен танымал қазақстандық әнші Данеля Садықованың жеке концерті өтеді.

Концерттің басталуы сағат 20:00-де.

EXPO кешені – іскерлік және мәдени іс-шаралар аумағы.