12-14 қазанда EXPO Халықаралық көрме орталығы алаңында KazAgro/KazFarm халықаралық салалық іс-шаралары өтеді. Ол Орталық Азиядағы ең ірі ауылшаруашылық көрмелері және агроөнеркәсіп саласындағы әлемдік инновацияларды таныстырудың жетекші кәсіби алаңы.
KazAgro/KazFarm 2022 нарыққа әлемдік жетекші агроконцерндердің соңғы үлгідегі ауылшаруашылық техникасы мен жабдықтарын, инновациялық технологияларды және агроөнеркәсіп саласына агро-ғылымның соңғы әлемдік жетістіктерін енгізуге ықпал ететін ауыл шаруашылығы секторын дамыту бағдарламаларын ұсынады. Биыл көрмелерге әлемнің 20-дан астам елінен компаниялар мен ұйымдар қатысады.
Көрмелер бағдарламасында жетекші сала мамандарының, ауыл шаруашылығы кәсіпорындары мен инновациялық орталықтардың басшыларының қатысуымен семинарлар, презентациялар ұйымдастыру және өткізу, іскерлік миссиялар мен қазақстандық және шетелдік компаниялар арасында меморандумдарға қол қою қарастырылған.
Бұдан бөлек көрмелер барысында ҚР Ауыл шаруашылығы министрлігі еліміздің барлық өңірлерінен келегн өсімдік шаруашылығындағы үздік және озық мамандарды марапаттайды, сондай-ақ Қазақстан селекционерлерінің II слетін өткізеді.
Сонымен қатар биыл көрмелер тарихында алғаш рет бұқалардың тұқымдық материалдарына аукцион өткізіледі.
Көрмелердің ресми ашылуы: 12 қазан сағат 11:00-де.
Өтетін орны: Астана қ., Мәңгілік Ел даңғ., 53/1 (EXPO ХКО).
БАҚ-ты аккредиттеу 11 қазан сағат 18:00-ге дейін жалғасады.
Аккредиттеу тізімдерін press@expogroup.kz поштасына жолдай аласыз.
Байланыс телефондары: +7 702 667 07 00, +7 701 999 28 19.
