«QazExpoCongress» ұлттық компаниясы астананың 25 жылдығына орай EXPO іскерлік орталығының аумағында бірқатар іс-шаралар дайындады.
7 шілдеде Болашақ энергиясы мұражайының етегінде Kitap Fest ауқымды кітап фестивалі өтеді – бұл кітап әуесқойлары арасында танымал мәдени-ағартушылық іс-шара.
Іс-шараның мақсаты – өскелең ұрпақтың оқуға деген қызығушылығын арттыру, оқырман мәдениетін дамыту, жазушылар мен олардың оқырмандары үшін бірыңғай алаң құру.
Фестивальде 30-дан астам дүкен, баспа мен интернет-дүкен тұтынушыларға арнайы жеңілдіктер ұсынады. Сонымен қатар фестиваль алаңында келушілер оқыған кітаптарымен алмасып, үй кітапханасын жаңа кітаптармен толықтыруға мүмкіндік алады. Ең кішкентай келушілерді тегін ойын-сауық бағдарламасы күтеді.
Kitap Fest аясында «Жазушы шатыры», «Кітаптар туралы offline» шатыры, «Қазақ қаламгерлері» шатыры, семинарлар мен дәрістер шатыры, «Оқырман ұлттың ұрпағымыз» көрмесі, кітап жәрмеңкесі, балаларға арналған тегін ойын-сауық бағдарламасы, қуыршақ театрының «Алдар көсе» спектаклі, «Оқы және досыңмен кітап алмас» атты кітап алмасу, орталықтандырылған кітапхана жүйесінің бағдарламасы: кітаптардың тұсаукесері, поэтикалық батл және балаларға арналған іс-шаралар өтеді.
Айта кетейік, фестивальде «Ауылға кітап» акциясы өтеді, онда кез келген адам Қазақстанның ауылдық кітапханаларына кітап жібере алады.
Іс-шараның басталуы сағат 11:00-де, кіру тегін.
Кітап фестивалінен кейін елорда тұрғындары мен қонақтарын EXPO жазғы сахнасында «Астананың 25 әуені» концерттік бағдарламасы күтеді. Концертте Айнұр Әбдиева, Ақниет Алтынбек, Ақтоты Болышева, Раймбек Сатыбалды, Татьяна Ким, Нина Моисеева, Дос, Ринат Малцагов, «Не всё сказано» тобы, Live Band Non Stop, DJ Puza және басқалар өнер көрсетеді.
Концерттің басталуы сағат 20:00-де, кіру тегін.
Сонымен қатар шағын сахна кестесі барлық демалыс күндеріне жоспарланып қойған. Martini триосы, DJ Young, Гүлнұр Баянова және One Piece дуэтінің ән кештері сағат 18:00-ден 20:00-ге дейін өтеді.
8 шілдеде жазғы сахнада әнші және композитор Құрмаш Махановтың жеке концерті жоспарланға. Онда оның «Жан сырым», «Аңсарым», «Кездесу мен қоштасу» және т.б. лирикалық хиттері орындалады. Сондай-ақ концертте DJ Calif, Temirlan & Yernat, Рухия Байдүкенова және Дос өнер көрсетеді.
9 шілдеде EXPO іскерлік орталығының аумағында елордамызда автомобильдердің жыл сайынғы кездесуі өтеді. LowKzMeet Astana аясында 150-ден астам эксклюзивті автомобильдер көрмесі өтеді. Келушілердің болжамды саны 10 000-нан асады. Көрменің басталуы сағат 17:00-де.
EXPO кешенінің аумағында ең қызықты және эксклюзивті іс-шараларды жіберіп алмаңыз!
«QazExpoCongress» ҰК» АҚ баспасөз қызметі
