Жалпыға бірдей декларациялау аясында 2023 жылы квазимемлекеттік сектор субъектілерінің қызметкерлері алғаш рет декларациялауға жатады.
Декларацияны ұсыну бойынша түсіндіру жұмыстарын жүргізу мақсатында «Атамекен» ҚР ҰКП Салық салу департаментінің сарапшысы Нұрлан Төлегенов «QazExpoCongress» ұлттық компаниясының қызметкерлеріне арналған семинар барысында декларацияны ұсыну мерзімдерімен, түрлерімен және тәсілдерімен таныстырды.
Оның айтуынша, квазимемлекеттік сектор субъектілерінің қызметкерлері декларацияны қағаз жеткізгіште ағымдағы жылдың 15 шілдесіне дейін, электронды түрде ағымдағы жылдың 15 қыркүйегінен кешіктірмей тапсыруы қажет. «Декларацияны Мемлекеттік кірістер комитетінің web-порталындағы (cabinet.salyk.kz) «Салық төлеуші кабинеті», «Электрондық үкімет» порталы (egov.kz) және eGov mobile мобильді қосымшасы, сондай-ақ e-Salyq Azamat мобильді қосымшасы арқылы электронды түрде ұсынуға болады. Қағаз жеткізгіште мемлекеттік кірістер органдарына, ХҚКО-ға барып ұсынуға, сондай-ақ пошта арқылы хабарламасы бар тапсырыс хатпен ұсынуға болады», – деп атап өтті ол.
