KIOGE 2021 мұнай және газ индустриясының ірі салалық шарасы 5-7-қазан аралығында «EXPO» халықаралық көрме орталығында өтеді. «Мұнай және Газ» көрмесіне Қазақстанның және жақын шет елдердің ірі компаниялары, халықаралық салалық сарапшылар мен мемлекеттік аппарат өкілдері қатысады.
KIOGE көрмесі өз тарихында Қазақстанның мұнай-газ өнеркәсібінің бетке ұстар көрнекі белгісіне айналды. Жыл сайын көрмеге 300-ге жуық қатысушы компания және әлемнің жиырмадан астам елінен 4000-нан аса бейіндік келушілер қатысады.
KIOGE экспозициясы жетекші өндіруші, мұнай-газ және мұнай сервистік компаниялардың мұнай-газ өндіруші кәсіпорындарына арналған жаңа технологиялық, инжинирингтік және бағдарламалық әзірлемелерді ұсынады. Бүгінгі таңда әлемнің 9 елінен 100-ден астам компания өз қатысуын растады: Қазақстан, Ресей, Беларусь, Ұлыбритания, Германия, Австрия, Бахрейн, Нидерланды, Хорватия.
Сонымен қатар көрме аясында нарыққа қатысушылар арасында іскерлік кездесулер, тұсаукесерлер және келіссөздер өтеді. Іскерлік бағдарламаның контентіне «Теңізшевройл», NCOC, «Сайман корпорациясы» компанияларының семинарлары кіреді. 5-қазанда «ГМС Нефтемаш» компаниясының өкілдері өз сөзінде мұнай өндірудің штангсыз тәсілі және газ поршеньді жетегі бар динамикалық жабдық туралы айтып береді. Ал «Klinkmann Kazakhstan» ЖШС спикерлері ADNOC мысалында өндірісті басқарудың бірыңғай орталығын іске асыру бойынша практикалық кейспен бөліседі.
KIOGE 2021 ҚР Энергетика министрлігінің, «KAZENERGY» Қазақстан мұнай-газ және энергетика кешені ұйымдарының қауымдастығы» ЗТБ, «ҚазМұнайГаз» ҰК» АҚ, «KazService» Қазақстанның сервистік компаниялар одағы, Қазақстандық мұнайшылар мен геологтар қоғамы (ҚМГҚ), PETROCOUNCIL стратегиялық әріптестік кеңесінің қолдауымен өтеді.
KIOGE 2021 бас серіктесі – «Теңізшевройл» ЖШС. Алтын серіктес – Каспий Құбыр Консорциумы, Күміс серіктес – ГМС Групп, ал NOVOMET компаниясы көрменің Қола серіктесі болып табылады.
Көрмеге билетті https://cutt.ly/SW1HWM5 сілтемесі арқылы көрмеге барудың ыңғайлы уақытын таңдап, алдын ала онлайн тіркелу арқылы ғана алуға болады.
«EXPO» ХКО алаңындағы іс-шаралар әлеуметтік қашықтықты, жеке қорғаныс құралдарын пайдалануды және «Ashyq» қосымшасы арқылы келушілерге рұқсат беруді қамтитын барлық санитарлық-эпидемиологиялық нормаларды сақтай отырып өтіп жатқанын атап өткен жөн.
