EXPO 2020 Dubai дүниежүзілік көрмесінде Қазақстан Республикасының Ұлттық павильонында 9-12 ақпан аралығында SAPSAN мектебі ұсынған таныстырылымдар мен шеберлік кластары өтеді.
SAPSAN – бұл балалар мен ересектерге арналған өзіндік оқыту әдістерін әзірлейтін білім беру технологиялары саласындағы халықаралық жоба. Мектеп когнитивтік және әлеуметтік дағдыларды дамытудың кешенді тәсілін ұсынады. SAPSAN достық жағдайда оқытуға жеке тәсілдемені қолданады және бағалар мен үй тапсырмаларынсыз білім алудың «ойын-сауық» әдісі қағидатын ұстанады.
SAPSAN балаларға арналған жаңа білім беру әдістемелерін ілгерілетуге компанияның үлесін көрсететін, сондай-ақ бүкіл әлем бойынша кәсіпкерлер үшін бизнес-мүмкіндіктер туралы баяндайтын бірқатар таныстырылымдар мен семинарлар өткізеді. Бұл миссия EXPO 2020 Dubai көрмесінің негізгі тақырыптарына сәйкес келеді: тұрақтылық, мүмкіндіктер және ұтқырлық.
SAPSAN үшін EXPO 2020 Dubai жоғары деңгейлі кәсіпкерлермен өзара іс-қимыл жасау, жаңа нарықтық инновацияларды, білім беру мекемелері мен бизнес-жаңашылдарды зерделеу, сондай-ақ Парсы шығанағы елдерінің ынтымақтастық кеңесімен және жалпы әлеммен жаңа әріптестік қатынастар орнату үшін бірегей платформа болып табылады.
