20 қарашада EXPO іскерлік орталығының аумағында «QazExpoCongress» Ұлттық компаниясының қолдауымен Esirtkisiz FEST жастар фестивалі өтті. Фестивальдің ұйымдастырушысы – Қазақстан жастарының конгресі жанындағы «Есірткісіз болашақ» корпоративтік қоры.
Фестиваль аясында елорданың студент жастары мен мемлекеттік және квазимемлекеттік сектор қызметкерлеріне арналған квест ұйымдастырылды.
Іс-шараның басты мақсаты есірткі қолданбайтын табысты жастардың бейнесін көрсету, белсенді өмір салтын қолдау және стандартты емес міндеттерді шешу дағдыларын дамыту болғанын атап өткен жөн.
Сонымен қатар іс-шара аясында кинологтар шоуы, тимбилдинг, сондай-ақ танымал көше топтары мен орындаушыларының қатысуымен концерттік бағдарлама өткізілді.
Фестиваль Nur Otan партиясының «Бірлік» филиалымен, Нұр-Сұлтан қаласы Полиция департаментінің Есірткі қылмысына қарсы күрес басқармасымен бірлесе ұйымдастырылды.
