20-22 сәуір күндері EXPO халықаралық көрме орталығының алаңында Eco Expo Astana экологиялық, органикалық және табиғи өнімдердің халықаралық көрмесі өтеді.
Eco Expo Astana көрмесі жаңа іскерлік байланыстар құруға, әлемдік өндірушілер мен жеткізушілердің жаңалықтарымен танысуға, сондай-ақ кәсіби дағдыларды арттыруға арналған негізгі алаң.
Қазақстанда алғаш рет көрме азық-түлік және биологиялық белсенді қоспалар, тұрмыстық химия, косметика, үйге арналған эко-шешімдер, органикалық ауыл шаруашылығын сертификаттау және т.б. тақырыптық бөлімдер бойынша өнімдер мен қызметтердің жаңалықтарын ұсынатын Қазақстан, Ресей және Латвиядан 24 отандық және шетелдік өндірушілер мен жеткізушілерді біріктіретін болады.
Қатысушылар арасында: ORGANIC+, GREEN CORNER, SMORODINA, GREEN PROTEIN, SEQUOIA_ECOFOOD, FITOLEUM, АМАНАТ, SMART BEE, BIGTREE, DOCTOR GREEN, QAZAQ BIO CONTROL, VOLKER APP, Сертификаттау және тестілеу орталығы және т.б.
Көрменің экспозициясын ауқымды іскерлік бағдарлама толықтырады, оның барысында экологиялық таза бизнесті дамыту мәселелері бойынша жетекші спикерлердің сөз сөйлеуі жоспарланған.
Көрме Қазақстан Республикасы Экология және табиғи ресурстар министрлігінің қолдауымен ұйымдастырылды.
