8-10 қарашада EXPO халықаралық көрме орталығында жарықтандыру, электротехника және автоматтандыру индустриясындағы маңызды оқиғалардың бірі – Interlight Central Asia көрмесі өтеді.
Interlight Central Asia 2023 экспозициясында үй мен кеңсеге арналған жарық техникасы, жарықтандыру компоненттері, автоматтандыру және ақылды технологиялар саласындағы өнімдерін Maytoni KZ (Қазақстан), Aledo (Ресей), Apeyron Electrics, JUNG (Қазақстан), Wolta (Ресей), Центрсвет (Ресей), Fael Luce (Италия), Electrio (Түркия), IRidi (Ресей), Wizdom (Қазақстан), Tekled (Қазақстан), Велунд Сталь (Қазақстан), 220 Вольт (Қазақстан) және басқа компаниялар ұсынады. Сондай-ақ Қытай павильонының қатысушылары жарық-техникалық өнімдердің кең ассортиментін көрсетеді.
Interlight Central Asia 2023 саладағы соңғы инновациялардың экспозициясын ғана емес, сонымен қатар саланың барлық қатысушылары үшін кездесуге, тәжірибе алмасуға және саладағы соңғы трендтер туралы білуге бірегей мүмкіндік ұсынады.
Бұдан бөлек іс-шарада Қазақстан құрылысшылар одағы мен QazProperty коммерциялық жылжымайтын мүлік нарығына қатысушылар қауымдастығының іс-шаралары, сондай-ақ жарық беру және смарт-технологиялар индустриясы туралы конференциялар, дөңгелек үстелдер, семинарлар, дәрістерді қамтитын бай іскерлік бағдарлама ұйымдастырылады.
