EXPO халықаралық көрме орталығы екі жыл ішінде ең маңызды конгресс-көрме іс-шараларын өткізетін басты алаңға айналды.
Өткен жылдың өзінде EXPO ХКО алаңында Automechanika Astana және Futuroad Expo Astana 2021 халықаралық автомобиль көрмелері, Kazakhstan Machinery Fair машина жасау және металл өңдеу халықаралық мамандандырылған көрмесі, «Қазақстанның өңдеу өнеркәсібі апталығы» халықаралық өнеркәсіптік көрмесі, «Мұнай және Газ» 27-ші қазақстандық халықаралық көрмесі (KIOGE 2021) және т.б. сияқты барлығы 8 ірі халықаралық көрме өтті.
16-18 наурызда AgriTek/FarmTek Astana 2022 XVII Халықаралық мамандандырылған ауыл шаруашылығы көрмесі EXPO ХКО-да көрмелердің жаңа маусымын ашады.
AgriTek/FarmTek Astana – бұл Қазақстандағы ең маңызды ауыл шаруашылығы іс-шараларының біріне айналған ірі көрме.
Көрмеде ауыл шаруашылығы техникасының, қосалқы бөлшектердің, суару және тыңайтқыш технологияларының жаңа әзірлемелері, тұқымдар мен көшеттер, тыңайтқыштар, өсімдіктерді қорғау құралдары, құс шаруашылығы мен мал шаруашылығына арналған жабдықтар мен технологиялар, мал азығы, ветеринариялық технологиялар және т.б. ұсынылады.
Айта кетерлігі, көрме Қазақстан Республикасы Ауыл шаруашылығы министрлігінің, Нұр-Сұлтан қаласы әкімдігінің, Қазақстан фермерлері қауымдастығының, Қазақстан құс өсірушілері одағының және Қазақстан егіншілері одағының ресми қолдауымен өтеді.
