20 сәуірде EXPO ХКО-да Eurasian Book Fair 2022 V Еуразиялық халықаралық кітап көрме-жәрмеңкесі өз жұмысын бастады.
Көрме қатысушыларын балалар, көркем, оқу және ғылыми-көпшілік әдебиетінің жаңа өнімдерінің таныстырылымдары, кітап әңгімелері, шығармашылық және даму орталықтарының балаларға арналған шеберлік кластары, поэтикалық кештер, танымал жазушылар және ақындармен қолтаңба сессиялары, сондай-ақ дөңгелек үстелдер күтеді.
Көрмеге «Мектеп», «Атамұра», Mega Basym (Түркия), China Renmin University Press (Қытай) және басқа да баспа, кітап саудасы, ғылыми-білім беру және полиграфиялық салаларды ұсынатын 80-нен астам отандық және шетелдік компаниялар қатысып жатыр.
Сонымен қатар, көрмеде отандық және шетелдік авторлардың түрлі әдеби шығармалары ұсынылды.
Көрме барысында «Үздік оқулық кітап», «Үздік өлкетану басылымы», «Балалар мен жасөспірімдерге арналған кітап» және т.б. алты бас номинация бойынша үздік басылымдар арасында «Жылдың үздік кітабы» байқауы өткізіледі.
Сондай-ақ көрменің жас қонақтары үшін мультфильм кейіпкерлері бар қызықты ойын-сауық және анимациялық бағдарлама, балалар кітаптарына негізделген интерактивті квест, балалар жазушыларымен шығармашылық кездесулер, вокалдық конкурстар мен концерттік нөмірлер ұйымдастырылды.
