EXPO іскерлік кешенінің аумағында өтетін іс-шаралардың аңдатпасы (21-27 сәуір аралығында)

Астанада негізгі салалық үш көрме өтеді

23-25 сәуірде EXPO халықаралық көрме орталығында үш ауқымды өнеркәсіптік іс-шара өтеді:

• Машина жасау мен металл өңдеудің Kazakhstan Machinery Fair VI халықаралық мамандандырылған көрмесі;
• Су индустриясының SU ARNASY – Water Expo XIV халықаралық мамандандырылған көрмесі;
• ONDEU EXPO V халықаралық өңдеу өнеркәсібі көрмесі.

10 000 м² астам ауданда 22 елден машина жасау, металл өңдеу, сумен жабдықтау және су бұру жүйелері, өндірістерді автоматтандыру және инженерлік инфрақұрылымды жаңғырту үшін шешімдердің толық спектрін ұсынатын 290-нан астам компания жиналады.

ONDEY EXPO өңдеу секторына арналған шешімдер мен жабдықтарды жеткізушілерді біріктіреді: металлургия, машина жасау, аспап жасау, құрылыс және химия материалдарының өндірісі, агроөнеркәсіптік кешен. Қатысушылар отандық кәсіпорындардың өнімділігін, орнықтылығын және технологиялық тәуелсіздігін арттыруға бағытталған өнімдерді таныстырады.

Kazakhstan Machinery Fair – Орталық Азиядағы машина жасау және металл өңдеу саласындағы ең ірі оқиға. Көрме аясында:

• металл өңдеуге және кесуге арналған білдектер мен жабдықтар;
• дәнекерлеу жүйелері мен жиынтықтаушылары;
• индустриялық автоматтандыру және робототехника;
• құралдар, компоненттер және өндіріс технологиялары ұсынылатын болады.

Қатысушылар арасында: Hyundai WIA, CHIRON Group SE, KAMAZ, QazTehna, Bodor, XT Laser, Robentex, ISCAR Kazakhstan, Zoller, KAPP NILES, IGM Robotersysteme, Guhring, WeldExpert, SMWAutoblok, Linsinger Maschinenbau және т.б.

SU ARNASY – Water Expo – Қазақстандағы су индустриясындағы озық шешімдерге арналған жалғыз мамандандырылған алаң.

Тақырыптамасы:

• сумен жабдықтауды және су бұруды;
• ағынды суларды тазартуды;
• ТКШ жаңғыртуды;
• су ресурстарын цифрландыруды және SCADA жүйелерін енгізуді;
• өнеркәсіптік сүзуді және сорғы жабдықтарын қамтиды.

Қатысушылар арасында: Vogelsang, ANDRITZ, CNP, ARC, QA-Plast, VodEcoFilter, Invest Continent, ETEK, SAS, Aquatoriya-Aktobe, ATE, Riza Global және т.б.

Көрменің басталуы сағат 09:30-да.

EXPO кешені – іскерлік және мәдени іс-шаралар аумағы.