Осакадағы ЭКСПО көрмесінде Қазақстанның Ядролық физика институты Жапония үкіметінің грамотасы мен медалімен марапатталды. Марапат төртінші буын АЭС негізін – жоғары температуралы газбен салқындатылатын реакторларды зерттеу жобасы үшін табысталды.
Жоба Халықаралық ғылыми-техникалық орталықтың (ХҒТО) қолдауымен және Жапония үкіметінің қаржыландыруымен жүзеге асырылып жатыр.
Институттың бас директоры Саябек Сахиевтің айтуынша, сәтті сынақтар Жапонияда жаңа буындағы шағын модульдік реакторлардың құрылысын жеделдетуі мүмкін, ал болашақта – Қазақстанда да іске асырылуы ықтимал.
Жапония атом энергиясы агенттігінің президенті Масанори Когучидің айтуынша, Қазақстанда атом энергетикасын дамытуда мамандармен алмасу және өзара ынтымақтастық маңызды роль атқарады.
Қазақстанның Ядролық физика институтының жобасы ЭКСПО-да Халықаралық ғылыми-техникалық орталық павильонында ең маңызды 12 ғылыми бастаманың қатарында ұсынылған.
Бұл орталықта Қазақстандағы ядролық зерттеулердің әлеуеті өте жоғары бағалануда.
Толық 24kz материалында: https://24.kz/ru/news/in-the-world/727023-v-yaponii-nagradili-kazakhstanskikh-uchenykh
