19 желтоқсанда еліміздің басты көрме алаңында, EXPO халықаралық көрме орталығында (Мәңгілік Ел даңғылы, 53/1) «Жаңа жыл Fest» жаңа жылдық жәрмеңкесі ашылады.
19-21 желтоқсан аралығында көрме орталығында «QazExpoCongress» ұлттық компаниясы Garage Fest-пен бірлесіп ұйымдастыратын жаңа жылдық жәрмеңке өтеді. Жұмыс уақыты: 10:00-ден 20:00-ге дейін.
Жәрмеңке аясында қонақтарға ауқымды мәдени-ойын-сауық бағдарламасы ұсынылады: жаңа жылдық фотоаймақ, шеберлік кластары, балалардың қатысуымен өтетін сұлулық байқаулары, Аяз Ата мен Ақшақар, ертеңгіліктер және тағы басқа мерекелік іс-шаралар.
Сонымен қатар жәрмеңкеде қолөнершілер мен «Қазақстанның ерекше балаларының ата-аналарының одағы» РҚҰ ата-аналары ұсынған қолдан жасалған бұйымдарды сатып алуға болады. Оның ішінде сыйлықтар, кәдесыйлар, ойыншықтар, декор, зергерлік бұйымдар, киім, тоқыма заттары, тәттілер және т.б. Сондай-ақ жәрмеңкеде келушілер еліміздің барлық өңірлерінен келген сәнгерлердің киімдерін сатып ала алады.
21 желтоқсанда жәрмеңке алаңында ерекше балаларға арналған ертеңгілік ұйымдастырылады. Іс-шара ерекше қажеттіліктері бар балаларды қолдау мен әлеуметтік интеграциялауға, олардың таланттарын ашуға және мерекелік атмосфера сыйдауға бағытталған. Бағдарламаға 200-ге жуық ерекше бала қатысады, олар концерттік бағдарлама аясында өздерінің қабылеттері мен таланттарын көрсете алады. Онда балалар ән айтып, би билейді, шығармашылық нөмірлерін көрсетіп, сән көрсетілімдеріне қатысады.
«Жаңа жыл Fest» – бұл жәрмеңке ғана емес, сонымен қатар әлеуметтік кәсіпкерлікті қолдау, инклюзивті қоғам мен мәдениетті дамыту алаңы.
Сондай-ақ іс-шараға аккредиттеу басталғанын хабарлаймыз. Қатысуға ниет білдіргендер деректерін 18 желтоқсан күнгі сағат 17:00-ге дейін жіберулерін сұраймыз.
__________________________________________________
Гүлжан Нөпірова,
«QazExpoCongress» ҰК» АҚ баспасөз хатшысы,
тел.: +7 775 538 88 84,
эл. мекенжайы: gsergibayeva@qazexpocongress.kz
сайт: https://qazexpocongress.kz/kz/
Facebook: https://www.facebook.com/qazexpocongress/?locale=ru_RU
Instagram: https://www.instagram.com/_qazexpocongress_/
Telegram-канал: https://t.me/qazexpocongress
Twitter: https://x.com/i/flow/login?redirect_after_login=%2Fqazexpocongress
