Дүниежүзілік ЭКСПО көрмелері ауқымы, ұзақтығы және келушілер саны бойынша халықаралық іс-шаралар арасында теңдесі жоқ. Бұл үкіметтер, компаниялар, халықаралық ұйымдар мен азаматтар арасындағы байланыстырушы буын ретінде қызмет ететін адамзат прогресін көрсететін ең ірі алаң.
Бірінші Дүниежүзілік ЭКСПО көрмесі 1851 жылы Лондонда өтті және «Ұлы көрме» деп аталды. Бұған дейін көрмелер Қытайда (ЭКСПО-2010 Шанхай) және Италияда (ЭКСПО-2015 Милан) өткен болатын. Одан кейінгі көрмелер 2021 жылы БАӘ-де (ЭКСПО-2020 Дубай) және 2025 жылы Жапонияда (ЭКСПО-2025 Осака) өтеді.
Көрменің тақырыбы үш тақырыпшадан тұрады: «Мүмкіндіктер», «Мобильділік» және «Тұрақты даму».
Қазақстан Республикасының Ұлттық павильоны «Мүмкіндіктер» тақырыптық кластерінде, БАӘ, АҚШ, Швейцария, Аустрия, Сауд Арабиясы Корольдігі, ҚХР, Жапония, Үндістан және Беларусь Республикасының ұлттық павильондарына тікелей жақын жерде орналасқан.
Павильон бейнесі дәстүрлі шығыс сәулетінен шабыт алған, заманауи цифрлық шешімдер мен дәстүрлердің синтезін, сондай-ақ Қазақстанның ашықтығын бейнелейді.
ҚР Ұлттық павильоны 3 қабаттан тұрады, 2 қабатында 4 көрме аймағы бар. Павильон аумағы – 3 400 ш.м., ол орта санаттағы павильондарға жатады.
Көрменің «Ақыл-ойды біріктіре отырып, болашақты қалыптастыру» тақырыбы аясында ҚР павильонының мазмұны Қазақстанның өткеніне, бүгініне және болашағына саяхатты білдіреді.
