30 тамызда «QazExpoCongress» ұлттық компаниясы елорда тұрғындары мен қонақтарын EXPO іскерлік кешенінің аумағындағы жазғы сахна алаңында сағат 19:00-де басталатын Мирас Жүгінісовтің қатысуымен өтетін концертке шақырады. Концертке кіру тегін.
Бағдарлама хэдлайнерімен бірге жазғы концерттер маусымының жабылуында DJ Ness, K-pop Heemang crew тобы, халықаралық байқаулардың лауреаты, Ресей мен Англиядағы «Х-фактор» шоуының финалисі, әндерінің авторы және орындаушысы – OSTAP, Ринат Малцагов өнер көрсетеді.
Жеті жыл бойы жаздыгүні маусымнан қыркүйекке дейін EXPO аумағында демалыс және мереке күндері жазғы сахна жұмыс істейді. Дәл осы жерде Ninety One тобы, Айқын, Ерке Есмахан, Қайрат Нұртас, Молданазар, Say Mo, Raim & Artur дуэті, DJ Smash, DJ Timoffey, DJ Imanbek және басқа да әртістер өнер көрсетті. Сондай-ақ The Spirit of Eurasia, The Spirit of Astana халықаралық заманауи этникалық музыка фестивальдері, Шәмші Қалдаяқов әндерінің фестивалі, рок фестиваль және басқа да мәдени-ойын-сауық іс-шаралары өткізілді.
Биыл жазғы сахнада Дастан Оразбеков, Қайрат Баекенов, Алмас Кішкенбаев, Маржан Арапбаева, Мирас Жүгінісов, 101 тобы және т.б. әртістердің қатысуымен 10 концерт өткізілді. Келушілердің жалпы саны 100 мыңнан астам адамды құрайды.
Қойылымдар Болашақ энергиясы мұражайының маңында орналасқан шағын сахнада да ұйымдастырылды, онда 26 концерт өткізілді.
EXPO іскерлік кешенінің аумағында концерттерден басқа түрлі іс-шаралар да ұйымдастырылды: Garage Fest, «БайЅрасе» жәрмеңкелері, «Йога таңы!» салауатты өмір салтын қолдау және қала тұрғындары арасында фитнесті насихаттау шарасы, «Жүрегімнің жеңімпазы» атты жылсайынғы қайырымдылық жарыс-фестивалі, «Көмектесейік» қайырымдылық фестивалі және т.б.
Аумақта әуесқойлар үшін роллердром да бар. Роллердромның жұмыс кестесі: дүйсенбіден бейсенбіге дейін сағат 14:00-ден 23:00-ге дейін, жұмадан жексенбіге дейін сағат 10:00-ден 23:00-ге дейін. Роликтерді жалға алу құны – 2000 теңге, ал өзімен бірге алып келгендерге кіру тегін. Сондай-ақ жасөспірімдер мен ерекше қажеттіліктері бар балалар үшін бейімделген бірегей балалар ойын алаңы орналасқан саябақ аймағы да бар.
Сонымен қатар аумақта Болашақ энергиясы мұражайы жұмыс істейді, ол сейсенбіден жұмаға дейін сағат 10:00-ден 20:00-ге дейін, демалыс күндері сағат 10:00-ден 21:00-ге дейін жұмыс істейді, ал дүйсенбі – техникалық күн.
«QazExpoCongress» ұлттық компаниясы EXPO іскерлік кешенінің аумағында қала тұрғындары мен қонақтары үшін жайлы және қызықты демалыс ұйымдастыруға аса көңіл бөледі.
